News

VIKA 19 - SÝNINGAROPNUN Í ÁSMUNDARSAFNI / FJÖLMENNINGARDAGUR

    Facebook Twitter Áframsenda
 

English version

 

VIKA 17 - FRÉTTABRÉF LISTASAFNS REYKJAVÍKUR

Sýningin Sagnabrunnur - Ásmundur og bókmenntir verður opnuð í Ásmundarsafni laugardaginn 11 maí. kl. 16. Ásmundarsafn í Sigtúni var opnað formlega vorið 1983 þannig að í ár eru 30 ár síðan safnið opnaði. Á laugardaginn er einnig fjölmenningardagur Reykjavíkurborgar þar sem trylltur afrískur dans verður m.a. stiginn í Hafnarhúsinu. Venjulegur opnunartími er í Hafnarhúsinu og á Kjarvalsstöðum á Uppstigningardag. Við vekjum athygli á að sýningunni Flæði lýkur þann 20. maí, en hún hefur tekið miklum breytingum á síðustu mánuðum.

 

 

SAGNABRUNNUR - ÁSMUNDUR OG BÓKMENNTIR - SÝNINGAROPNUN
ÁSMUNDARSAFN, LAUGARDAG, 11. MAÍ KL. 16



Ásmundur Sveinsson.


Ásmundur Sveinsson, Helreiðin,
1944.

Facebook - Google - Outlook

 


Ásmundur Sveinsson (1893–1982) fór mismunandi leiðir í listsköpun sinni og sótti m.a. innblástur í helgisögur, goðsagnir, Íslendingasögur og þjóðsögur. Á þessari sýningu gefur að líta 20 höggmyndir í eigu Listasafns Reykjavíkur sem vísa allar með einum eða öðrum hætti í bókmenntarfinn og eru til vitnis um þann mikla sögumann sem Ásmundur Sveinsson var.

Meðal verka á sýningunni er hið magnaða verk Helreiðin en Ásmundur sagði m.a. um það: ,,Þetta er draugurinn frá Hel, stríðsguðinn. Hann er auðvitað á hesti úr Hel. Þegar ég gerði fyrstu skissurnar að Helreiðinni hafði ég þjóðsöguna um Djáknann á Myrká í huga. En svo fannst mér ég þurfa að sleppa konunni og þá varð úr þessu Helreiðin, sótt í Eddu: Hel á allt. Allt er vígt dauðanum, blóm, jörð og menn.“

Verkin á sýningunni eru unnin á árunum 1922-1968 og sýna flest tiltekna atburði. Hver mynd er ákveðið tímaskeið oftast það dramatískasta og áhrifamesta úr hverri sögu. Ásmundur velur dauðstund Grettis úr Grettissögu í verkinu Dauði Grettis, í verkinu Davíð og Golíat sýnir Ásmundur þegar Davíð þeytir völunni í höfuð Golíat og í verkinu Móðir mín í kví  kví sjáum við þegar barnið birtist móðurinni.  

>Sjá nánar

  

 

 

 

FJÖLMENNINGARDAGUR REYKJAVÍKURBORGAR
LAUGARDAG, 11. MAÍ



Fjölmenningardagurinn er á
laugardaginn og verður m.a. boðið upp á afríska  tónleika í Hafnarhúsinu.

 


Fjölmenningardagur Reykjavíkurborgar verður haldinn hátíðlegur í fimmta sinn laugardaginn 11. maí. Dagskráin hefst kl. 13.00 með skrúðgöngu frá Hallgrímskirkju. Jón Gnarr borgarstjóri mun setja hátíðina. Gengið verður niður Skólavörðustíg að Ráðhúsi Reykjavíkur.

Í Ráðhúsinu verður markaður þar sem handverk, hönnun og matur frá hinum ýmsu löndum verða kynnt. Í Tjarnarbíó verður lifandi skemmtidagskrá frá 13.30 -18.00.

Í Hafnarhúsinu verða afrískir tónar leiknir frá 20.00 -22.00. The Bangoura Band mun m.a. halda uppi stuðinu.

Fjölmenningardaginn á facebook má finna hér, en nánari upplýsingar um dagskrá dagsins má finna hér.

  

 

 

 

SUMAROPNUNARTÍMI Í ÁSMUNDARSAFNI OG OPNUNARTÍMI Á UPPSTIGNINGARDAG


Opið verður á Ásmundarsafni frá 10-17 frá og með sunnudeginum 12. maí, en sýningin Sagnabrunnur opnar í safninu þann 11. maí kl. 16. 

Hefðbundinn opnunartími er í Hafnarhúsi og á Kjarvalsstöðum á uppstigningardag, fimmtudaginn 9. maí en þá er opið frá 10-17 á Kjarvalsstöðum og frá 10-20 í Hafnarhúsi.

Á Kjarvalsstöðum standa yfir sýningarnar Kjarval - Mynd af heild og Flæði: Salon-sýning af safneigninni sem stendur til 20. maí.

Í Hafnarhúsi stendur yfir grafíksýning Errós á sama tíma og unnið er að uppsetningu á sýningu Listahátíðar í ár. Sýning Magnúsar Pálssonar verður opnuð 18. maí, en sýningar þeirra Hugins Þórs Arasonar og Andreu Maack, auk sýningar Theresu Himmer verða opnaðar 25. maí.

 



YFIRSTANDANDI SÝNINGAR

 

 

 
 
 

Listasafn Reykjavíkur á:

Facebook Twitter Flickr YouTube Vimeo

 
 
 
 
Með kveðju,
Berghildur Erla Bernharðsdóttir
Kynningarstjóri Listasafns Reykjavíkur
Sími 590-1200 / 694-5149

Listasafn Reykjavíkur
Sími 590-1200
listasafn@reykjavik.is
Hafnarhús
Opið daglega 10-17, fimmtudaga 10-20

Kjarvalsstaðir
Opið daglega 10-17

Ásmundarsafn
Opið maí - sept 10-17 / okt. - apríl lau.& sun.13-17
 
 
 
 
 
   

 

Print Go back




 

Mobile | Contact us | Sitemap | Large/small     

 

 

Hafnarhus

Visit the museum
Open: 10:00 - 17:00
Thursday 10:00 - 20:00
 

Kjarvalsstadir

Visit the museum
Open 10 a.m. - 5 p.m.

 

 

 

Asmundarsafn

Visit the museum
1. May - 30. Sep. 10-5
1. Oct. - 30. Apr. 1-5